(مواااااقف)

بسم الله الرحمن الرحيم
اللهم صل على محمد و آل محمد
السلاام عليكم



شلوونكم حباايب , شخبااركم ؟


تصادفنا العديد من المواقف الي ما نقدر ننساها .. سواء كانت هالمواقف مضحكة أو محزنة أو محرجة ...الخ


وكل واحد رده فعله تختلف عن الثااني


الحين كل وااحد يدخل , يعطينا موقف حلو صار معاه و مايقدر ينسااه , و يقوولنا شلون تصرف بهالموقف ؟ خل نستفيد من مواقفكم


خل اقوولكم موقف صار معاي ,,


كنت بالمتوسط و كانت آخر الأياام , عندي امتحان فاينل وتوني مخلصه الامتحان .. طلعت برا و مع الاسف الشديد الوالده متأخره علي شوي .. كل البنات راحوا والموجودين دخلوهم غرفه الانتظار .. وانا ما احب هالغرفه كلش , المهم وقفت برا انا مع 3 بنات وهالبنات قليلات ادب رفيجاتي كلهم راحوا و انجبرت اوقف معاهم هالدقيقتين على ما الوالده توصل , و هالبنات مصخره يتضحكون بصوت عالي و مادري شسوون وانا كنت خايفه بصرااحه مو مرتاحه عالوضع و أكره هالحركات ..
وانا قاعده اتلفت يمين شمال يمكن اشوف سيارتنا شي .. جان ايي سلفي من ثانوية الصبيان , ومادري ليش الاخ موقف سيارته عندنا , اهوو بس يه صوبنا انا قمت ارجف انا خلقه خوافه و واقفه مع بنات الله لا يبلينا يعني خايفه اكثر وايي سلفي يكملها علي ؟ زين ما مت
المهم وحده من البنات علقت عليه بصوت واطي جان الثانيه تضحك , اهوو ما سمعهم شنو قالوا بس عرف ان عنه وهنا تبدأ الكارثه
وقف و طالعهم , جان يقول تعرفون لعنت والدين ؟؟
وحده قالت شنوو ؟؟ :S
جان يصرخ واهو معصب ويرد يقول "تعرفوون لعنه والدين ؟؟ "
جان وحد ثانيه تقوول خلاص اخوي توكل على الله و من هالحجي ( والله من كثر ما كنت خايفه ما ركزت شنو قالوا خخخخ )
راح اخونا و ركب سيارته , و يبدون البنات يخرعوني أكثر بكلامهم , يقولون " يمه قاعده يحرك حلجة مادري شقول " .. " وااي هذا شفيه يخرع شقاعد يقوول " .. " بس عاد طول واهو يحرك حلجه , شكلة بيقلبنا شواذي " ...... ومن هالطقه كان كلامهم
انا من الخووف رجعت وراا , صرت واقفه بين سيارتين و 3 بنات جدامي ( انخشيت )
اخونا حرك سيارته ومشى و صارت سيارته يم البنات , جان يبطل الدريشة ... و هنا الكارثه الكبرى !!!!
تفوووووووووووووووووووو
حشااكم تفل عليهم ههههههههههههههههه
انا ( و أعوذ بالله من كلمة انا ) الحمدلله ما حاشني شي , والله كنت بريئه ما بطلت حلجي بولا كلمة , الحمدلله اني خفت ورجعت وراا
بس اهمة ال3 الله لا يراويكم شصار فيهم .. عفيه حلج كل هالتفال فيه حاشهم ثلاثتهم
لاا بعد لمن حرك سيارته و راح عالشاارع يطالعهم ويضحك ويأشر بايده يسوي بيباااااااي
صج هالموقف ما انساه , و الخووف نعمة والله


و الحين دووركم , عطونا مواقفكم و ردت فعلكم بهالمواقف , ومنكم نستفيد


تحيااتي

انا موقف انحرجت منه مره
بس قديم

انا وامي بالسوق قلت لامي يما انا بحلق وارد
قالتلي مايخالف يوم خلصت الحلاقه رحت عند امي
قلتله يما شرايج بحلاقتي

جان تقولي انا مو امك

طلعت انا غلطان

هذي مو امي

انا موقف انحرجت منه مره
بس قديم

انا وامي بالسوق قلت لامي يما انا بحلق وارد
قالتلي مايخالف يوم خلصت الحلاقه رحت عند امي
قلتله يما شرايج بحلاقتي

جان تقولي انا مو امك

طلعت انا غلطان

هذي مو امي